Մի ակնթարթ ԳՐԵՆԱԿԱՆ ԳՈՐԳ ընկերության աշխատասենյակում

Եթե փորձեք մտնել <<ԳՐԵՆԱԿԱՆ ԳՈՐԳ>> ընկերության աշխատասենյակ, ապա կհամոզվեք, որ կրթական գործընթացին զուգահեռ խիստ կարևոր է նաև արժեքային համակարգի ձևավորումը: Կտեսնեք, թե ինչպիսի աշխույժ, համերաշխ մթնոլորտ է տիրում աշխատանքային գործընթացում, ինչպիսի ոգևորվածությամբ են պատրաստում գրենական գորգերը, ինչպես են իրենց գործի մեջ արդեն հմտացած մեծերը օգնում նոր սկսող, իրենց ցակությամբ գործի մեջ ներգրավված փոքրիկներին: Իսկ մարկետինգի աշակերտները զբաղվում են իրենց գործով՝ արտադրանքի իրացման ուղղությամբ:

ԳՐԵՆԱԿԱՆ ԳՈՐԳ ընկերության ուսումնական և արտադրական աշխատանքները

   Համատեղ ընթանում է <<ԳՐԵՆԱԿԱՆ ԳՈՐԳ>>  ընկերության և ուսումնական,  և արտադրական աշխատանքները: Աշակաերտները ծանոթացել են կոորպորատիվ սոցիալական պատասխանատվության գաղափարին, պատմությանը, հասկացել են բարեգործության և ԿՍՊ -ի տարբերությունը, հիմնական նպատակները:

Այց ԵԱՀԿ ծրագրերի իրականացման գրասենյակ

   Նոյեմբերի 13-ին <<Ձեռնարկատիրական և քաղաքացիական կրթություն>> ծրագրի շրջանակներում  Սյունիքի միջնակարգ դպրոցի <<ԳՐԵՆԱԿԱՆ ԳՈՐԳ>> ԱԳԸ - ի մի քանի անդամներ  այլ դպրևոցների ԱԳԸ-ների մի խումբ անդամների հետ միասին  այցելեցին Սյունիքի մարզում գործող ԵԱՀԿ ծրագրերի իրականացման գրասենյակ: Աշակերտական գործարար ընկերության անդամներին ընդունեց Տնտեսական և բնապահպանական ծրագրի օգնական Կարեն Արզումանյանը:  Կարեն Արզումանյանը  ներկայացրեց ԵԱՀԿ-ի գործունեությունը Հայաստանում և Սյունիքի մարզում: Այս հանդիպումը իր նշանակությունն ունեցավ <<ԳՐԵՆԱԿԱՆ ԳՈՐԳ>> ԱԳԸ - ի  որոշումների վրա: Ընկերությունն որոշեց, որ իր արտադրությունից ստացած շահույթն ուղղելու է դպրոցի շրջակայքի բնապահպանական խնդրի լուծմանը:

Շնորհավորանքներ և շնորհակալական խոսքեր...

   Հոկտեմբերի 26-ին Սյունիքի միջնակարգ դպրոցում կայացած մանկավարժական խորհրդի նիստին ներկա էին նաև <<ԳՐԵՆԱԿԱՆ ԳՈՐԳ>> ԱԳԸ-ի աշակերտները և ԱԽ-ի անդամները: 

 Երևանի  Շառլ Ազնավուրի անվան  հրապարակում տեղի ունեցած «Հայաստանի պատա նեկան  նվաճումներ» կազմակերպության կողմից նախաձեռնած «Աշակերտական գործարար ընկերությունների տոնավաճառ» միջոցառմանը դպրոցի <<ԳՐԵՆԱԿԱՆ ԳՈՐԳ>> ԱԳԸ-ի մասնակցության մասին ներկայացրին տոնավաճառից վերադարձած աշակերտները և ընկերության ղեկավարին հանձնեցին իրենց ստացած մրցանակը՝<<Լավագույն նորարար ընկերություն>> պատվոգիրը: Ընկերության ղեկավարին հանձնվեց նաև Աշակերտական խորհրդի կողմից շնորհակալագիր՝ տոնավաճառին գերազանց մասնակցության համար: Շնորհավորանքներ և շնորհակալական խոսքեր հղեցին նաև տնօրինությունն ու մանկավարժները...

ՀՀ ՍՅՈՒՆԻՔԻ ՄԱՐԶՊԵՏ ՍՈՒՐԻԿ ԽԱՉԱՏՐՅԱՆՆ ԸՆԴՈՒՆԵԼ Է ՁԵՌՆԱՐԿԱՏԻՐԱԿԱՆ ԵՎ ՔԱՂԱՔԱՑԻԱԿԱՆ ԿՐԹՈՒԹՅՈՒՆ ԾՐԱԳԻՐՆ ԻՐԱԿԱՆԱՑՆՈՂ ԴՊՐՈՑԱԿԱՆՆԵՐԻՆ

  ՀՀ Սյունիքի մարզպետ Սուրիկ Խաչատրյանն ընդունել է <<Ձեռնարկատիրական և քաղաքացիական կրթություն>> ծրագիրն իրականացնող Սյունիքի միջնակարգ դպրոցի դպրոցականներին:

Ծրագրի պատասխանատուները մանրամասն ներկայացրին ծրագրի նպատակն ու հետագա անելիքները, նաև մարզպետի ուշադրությանն արժանացրին իրենց կողմից ստեղծված <<Գրենական գորգ>> աշակերտական գործարար ընկերության պատրաստի արտադրանքը: Մարզպետը ողջունեց նախաձեռնությունը և պատրաստակամություն հայտնեց աջակցելու ծրագրի շարունակականությունն ապահովելու հարցում:

Այս ծրագրիրը հնարավորություն է ընձեռում դպրոցականներին ծանոթանալու ձեռնարկատիրության հիմունքներին և գործարար ընկերություններ հիմնելու քայլերին։

Ծրագրի նպատակն է աշակերտներին զինել գործարար հմտություններով, խթանել նրանց նորարարական մտածելակերպը և հնարավորինս նախապատրաստել ապագայում աշխատուժի շուկայի համար։