Բանավեճ

11.04.2014թ

Թեման - Ուսուցչի   կողմից   պարտադրանքները:

Բանավեճի   կազմակերպման   պատասխանատու – ԱԽ  նախագահ ՝  Լիա  Թամրազյան    և  իրավապաշտպան   հանձնախմբի  աշխատանքները   համակարգող՝   Վ. Հարությունյան

Բանավեճի  կազմակերպման   աջակիցներ  -  իրավապաշտպան հանձնախմբի  անդամներ,  ՄԿԱ  փոխտնօրեն`  Ա. Վեզիրյան , ԴԱԿ` Հ. Մնացականայան  և  սոց. աշխատող՝  Ա.Անդրեասյան, ԾԽ նախագահ՝ Մ.Պատվականյան

Նախապես   ընտրվել  էր   թեման , կազմվել   էին  թիմերը  ( 9-րդ  և  10-րդ   դասարանների սովորողներից ) , ընտրվել  էին  դատավորները :

       Բանավեճը  սկսելուց   առաջ   թիմերը  ներկայացրին   իրենց   պարտականությունները` հասկանալու համար, թե  որքանով  են  ծանոթ  իրենց  պարտականություններին: Այնուհետև  ներկայացվեց   բանավեճի   թեման:  Թիմերը   սկսեցին  ներկայացնել   ուսուցչի   կողմից   կատարված   պարտադրանքները   (անկյուն   կանգնեցնելը, դասարանից  դուրս   հրավիրելը,  աշխատանք  տալը):  Յուրաքանչյուր   ներկայացված   պարտադրանքի  շուրջ  հանդես   էին   գալիս  և  կողմ,  և  դեմ  թիմերը: Կատարվում էր քննարկում,  և  պատահում  էր ,  որ  սովորողը  <<դեմ>> թիմից  անցնում  էր <<կողմ>>  թիմին:  Ներկայացված   պարտադրանքների մեջ  սովորողները   գտան    իրենց   պարտականությունների   մեջ  թերանալու  կամ  չկատարելու   պատճառը:  Քննարկվեց  պարտադրանքների   դրական   և  բացասական  ազդեցությունները  աշակերտների  վրա, և  եկան այն  համոզման , որ  այն  միայն  դրական   ազդեցություն  է  թողնում   աշակերտների  վարքի  կուլտուրայի  զարգացման, ինչպես  նաև  դասին  աշակերտի  մասնակցության  վրա:  Եկան  ընդհանուր  եզրակացության`  ուսուցչի  կողմից  թույլ  տված  պարտադրանքը  աշակերտի  ոչ   ճիշտ   պահվածքի  հետևանք  է:  Դատավորների   կողմից  տրվեց   հարցեր,  որոնց   կողմ  լինելու  դեպքում   պետք  է  ձեռք  բարձրացնեին:

Հարց – Պարտադրանքը   աշակերտի  կողմից   պարտականությունները   չկատարելու  պատճա՞ռ   է:                                                                  

Բոլորը  կողմ  էին:

Հարց – Իրենք   կատարում  ե՞ն   իրենց  պարտականությունները:

Բոլորը  համաձայն  էին,  որ  թերանում  են  իրենց  կատարած  պարտականությունների  մեջ:

Հարց – Դպրոցում  բռնություն  եղե՞լ  է, թե  ոչ:

Աշակերտներն  այն  կարծիքին  էին,  որ  չի   եղել:

Թիմերը  եկան  այն  եզրակացության,  որ  ուսուցչի  ներկայացրած  պահանջը  իրենց  պարտականություններից   բխող  պայման  է,  այն  չի  կարող  ընկալվել  բռնություն  կամ  պարտադրանք:

Վերջում  դատավորները  ներկայացրին  իրենց  կարծիքները`

1.ՎՎ աշխատակից՝– Երբ  մեկը  խոսում  է , մյուսները  պետք  է   լսեն , այսինքն  չխախտեն  ընկերոջ  իրավունքները  և  պահպանեն  էթիկայի  կանոնները:

2.ՄԿԱ  փոխտնօրեն`  Ա. Վեզիրյան – Եղավ զգացմունքների  պոռթկում,  ինչ  ասվել  է, բարձիթողի չի  լինելու, հետամուտ  ենք  լինելու  բոլորի  արարքներին:

3.Սոց  աշխատող՝ Ա.Անդրեասյան– Լավ  է, որ  գիտեն  իրենց  իրավունքները,  սակայն պետք  է  լավ  իմանան  իրենց  պարտականություններն  ու  դիմացինի  իրավունքները:  Եվ  պարտականությունները  երբեք  պետք  չէ  անտեսել:

4.Մաթեմատիկայի  ուսուցիչ` Ս. Խոջաբաղյան – Եթե նպատակ  ունեն  սովորելու,  ապա  պետք  է ապահովեն  առարկայական  նվազագույն  չափորոշիչները:

5.ԾԽ նախագահ` Մ. Պատվականյան – Պարտադրանքներ  կատարվում  են  նաև  տանը ( ինչպես  օրինակ երեխայի ցանկության հակառակ պարտադրել դաս  սովորել, ժամանակին  քնել, համակարգչից  քիչ  օգտվել ), բայց դրանք  միայն  ու  միայն  դրական  ազդեցություն  են  թողնում  երեխայի  վրա:

6.ԴԱԿ` Հ. Մնացականայն – Եթե առաջանում  է որևէ  կոնֆլիկտ  ընկերոջ, ուսուցչի  կամ  ծնողի  միջև,  ապա  այն  վերլուծելուց   անպայման առաջինը  փորձեք  գտնել  ձեր  կողմից  թույլ  տված  սխալները: Երբեք  պետք  չէ  միակողմանի  նայել:

7.Իրավապաշտպան  հանձնախմբի  աշխատանքները  համակարգող`  Վ. Հարությունյան – Երբեք պետք  չէ թույլ  տալ, որ ծնողներն   ամաչեն  իրենց  փոխարեն,  իրենց  կատարած  արարքների  համար:

Հուսով  ենք,  որ  այս  բանավեճը  կօգնի  երեխաներին  իրենց կողմից  կատարած  արարքներին  ճիշտ  գնահատական  տալուն:

Սյունիքի միջնակարգ դպրոց

Աշակերտական խորհուրդ