Գիտակցական կարգապահությունը, մարդասիրությունը,
արիությունն ու հերոսությունը
կազմում են մարդու
հայրենասիրական զգացմունքների և համոզմունքների հիմքը: Այդ
իսկ պատճառով ՀՀ պաշտպանության նախարարության, կրթության և գիտության նախարարության
և երկրապահ կամավորականների փոխըմբռնման
շնորհիվ մեր դպրոցում
ստեղծվեց <<Պատանի երկրապահ>> ակումբը: Ակումբի աշխատանքները
կազմակերպելու համար դպրոցի
տնօրինությունը առաջին հարկում
հատկացրեց մի փոքրիկ
դասարան: Դասարանի պատերին տեղ գտան
ՀՀ ազգային հերոսների
նկարները, հայ ժողովրդի պատմական
ուղին փառաբանող, ինչպես նաև հայոց բանակի
փառահեղ ուղին մեկնաբանող
պաստառներ և ՀՀ խորհրդանիշների անկյունը:
Դասարանի բացման արարողությունը համընկավ
հաշվանդամների միջազգային օրվա հետ:
Ուստի կարմիր ժապավենի
կտրումը կատարեցին Արցախյան
պատերազմի մասնակից , հաշմանդամ Գ.Մարգարյանը և դպրոցի տնօրեն
Ա.Մանացականյանը: Ապագա կամավորականները կատարեցին
երկրապահի օրհներգը: Այնուհետև սկսվեց յուրաքանչյուր
կամավորականի երդման արարողությունը: Ավարտից հետո ավագ սերնդի հաշմանդամ երկրապահները
կամավորականի կրծքանշանները ամրացրեցին
նորաթուխ կամավորականների կրծքներին:
Պատերազմի հաշմանդամները հանդես
եկան փոքրիկ պատերազմական
պատմություններով:
Տնօրենը նրանց հանձնեց
կրտսեր կամավորականների պատրաստած
նվերները: Իսկ վերջում ավագ սերնդի կամավորականները և կրտսեր կամավորականները լուսանկարվեցին:
No comments:
Post a Comment