Տարեմուտն հյուր եկավ Սյունիքի միջնակարգ դպրոցին հեքիաթային հրաշքներով ու հմայքով: Սկզբում փոքրիկ Ձմեռ պապն ու Ձյունանուշը հյուր եկան փոքրիկներին. հեքիաթային կերպարներ, երգ ու պար, Ձմեռ պապի նվերներ, տոնական տրամադրություն...Իսկ հետո մեծերի համար հյուր եկավ մի նոր Ձմեռ պապ, որն իր ռեպով մի նոր ոճ ու տրամադրություն հաղորդեց բոլորին: Այնուհետև հեքիաթային նոր հերոսներ, երգ, պար... փոքրիկ Իննեսան իր ճկուն մարմնով ու շարժումներով ոււղղակի հիացրեց հանդիսատեսին, իսկ քիչ անց իր եղբոր ու մայրիկի հետ իրենց երգով հուզեցին բոլորին: Միջոցառումն այնքան բազմաոճ ու հագեցած էր, որ բոլորն ուղղակի հիացած էին: Այսպիսի բարձր տրամադրությամբ հրաժեշտ տվեցինք հեռացող տարուն... Միջոցառման վերջում դպրոցի տնօրեն Արթուր Մնացականյանը շնորհակալություն հայտնեց աշակերտներին այդքան գեղեցիկ հանդես գալու համար, շնորհավորեց բոլորին Ամանորի և Սուրբ Ծննդյան տոների առթիվ և մաղթեց հույսերի իրականացման ու հաղթանակներով լի տարի:
Փոքրիկների միջոցառումը կազմակերպել էր դասվար Ռ. Ղազարյանը
Միջին և ավագ դասարանների միջոցառումը կազմակերպել էր
ռուսաց լեզվի ուսուցչուհի Ն. Խաչատրյանը
No comments:
Post a Comment