ֆոնդահայթաթում՝ ընտրված հիմնախնդրի լուծման համար

   Սյունիքի  միջնակարգ  դպրոցում  հիմնված  <<ՁԵՌՔ  ՁԵՌՔԻ >>  ԱՀԿ-ն մասնակցում է   <<Հայաստանի պատանեկան նվաճումներ>>  հասարակական կազմակերպության կողմից     իրականացվող   <<Ձեռնարակատիրական և քաղաքացիական  կրթություն>>  ծրագրի  շրջանակներում   հայտարարված դրամաշնորհին:   ԱՀԿ-ցիները  ձեռնամուխ  են եղել  ֆոնդահայթաթմանը,  ընտրված  հիմնախնդրի  լուծման համար:  Որպես հիմնախնդիր ընտրվել է  դպրոցի դահլիճի  ապահովումը նստատեղերով` ՝   նստարանների պատրաստման  միջոցով:  Այս հարցով  ԱՀԿ-ցիները  նամակ-դիմումով   դիմեցին  <<ԴԱՆԴԻ ՓՐԻՇՍ ՄԵԹԱԼՍ ԿԱՊԱՆ>> ՓԲԸ գլխավոր տնօրեն Հրաչ Ջաբրայանին,  աջակցության ակնկալիքով:  Պարոն Ջաբրայանը  ԱՀԿ-ին   աջակցեց  250.000 դրամով  / դրամաշնորհին  ներկայացվող   ծրագրի ընդհանուր արժեքը կազմում   է  578.700դրամ/:   Նման աջակցությունը   մեզ   մրցակցելու  մեծ  հնարավորություններ  տվեց:    

   Շնորհակալ ենք, պարոն Ջաբրայան,   մենք  ամեն ինչ անելու ենք,   արդարացնելու համար   Ձեր վստահությունը:

Հիմնախնդրի բացահայտում

   Սյունիքի միջնակարգ դպրոցի  <<ՁԵՌՔ ՁԵՌՔԻ>> ԱՀԿ-ն անցավ համայնքային հիմնախնդրի բացահայտմանը: Առաջադրվեցին համայնքային այնպիսի խնդիրներ, որոնք հիմնախնդիր են հանդիսանում նաև դպրոցի համար: Անցան տեղեկությունների հավաքման փուլին՝ զրույց ուսուցիչների, աշակերտների և համայնքի բնակիչների հետ: Կատարվեց տեղեկությունների վերլուծություն և առաջադրված հիմնախնդիրներից առավել արդիական և կարևոր համարվեց  <<Դպրոցի համերգային դահլիճի նստարանների ապահովում/պատրաստման միջոցով/>>-ը: Այնուհետև  ԱՀԿ-ն անցավ գործողությունների պլանի մշակման՝ միջոցառումների, քայլերի առաջադրում, որոնցով պետք է հասնեն առաջադրված հիմնախնդրի լուծմանը: Գործողությունների պլանի մշակմանը իր խորհուրդներով օգնեց  Վորլդ Վիժն կազմակերպության աշխատակից Անուշ  Անդրեասյանը, որի հետ տեղի է ունեցել հանդիպում: 

ՁԵՌՔ ՁԵՌՔԻ աշակերտական հասարակական կազմակերպություն

Ողջույն սիրելի ԱՀԿ- ներ: Աշխատանքներն այնքան թեժ են ընթանում, որ չհասցրեցինք լուսաբանվել: 

Հետհայացք կատարված աշխատանքներին՝

Սյունիքի միջնակարգ դպրոցում փետրվարի 2-ին հրավիրվեց հիմնադիր ժողով և հիմնվեց ԱՀԿ: ԱՀԿ-ին անդամակցեցին 15 աշակերտ : Ծանոթանալով ԱՀԿ-ի ստեղծման նպատակին, որոշեցին այն անվանել <<ՁԵՌՔ ՁԵՌՔԻ>>. Ինչու, քանի որ հասկացան, որ իրենց նպատակին հասնելու՝ որևէ հիմնախնդիր լուծելու համար պետք է առաջնորդվեն հետևյալ սկզբունքով՝ ձեռք ձեռքի տան, իրենց ուժերին գումարեն գործընկերների ուժերն ու միացյալ կերպով հասնեն արդյունքի: Այնուհետև անցկացվեց ընտրություններ: ԱՀԿ-ի նախագահ ընտրվեց Մարինա Գրիգորյանը, իսկ փոխնախագահ՝ Մայա Անտոնյանը: Ընտրվեց խմբագրական կազմ՝ կազմակերպության կանոնադրությունը գրելու նպատակով:

Երկրորդ ժողովում  հաստատվեց կազմակերպության կանոնադրությունը և լոգոն: