Երևանի
Շառլ Ազնավուրի անվան
հրապարակում տեղի ունեցավ «Հայաստանի պատանեկան նվաճումներ» կազմակերպության կողմից նախաձեռնած «Աշակերտական գործարար ընկերությունների տոնավաճառ» միջոցառումը, որին մասնակցում էին տարբեր մարզերի ու սահմանամերձ համայնքների դպրոցների աշակերտներ:
Այնտեղ էր նաև Սյունիքի միջնակարգ դպրոցի <<ԳՐԵՆԱԿԱՆ ԳՈՐԳ>> ԱԳԸ-ն:
Սկսնակ, բայց գուցե ապագա մեծ բիզնեսմեններն փորձեցին կատարել իրենց առաջին քայլերը:
Երեխաները սկզբում սովորեցին ազատ տնտեսագիտության տեսությունը, ապա
հիմնեցին ընկերություն իր կանոնադրությամբ, կատարեցին
շուկայական հետազոտություն, գրեցին բիզնես պլան, թողարկեցին և վաճառեցին ընկերության բաժնետոմսերը: Ընկերության բոլոր անդամները հանդիսանում են բաժնետեր: Կատարած շուկայական
հետազոտության վերլուծության
արդյունքում աշակերտական ընկերությունը հստակ պատկերացրեց, թե ինչ է պետք արտադրել: Դա Գրենական գորգն է, որը
շուկայում պահանջարկ ունեցող արտադրանք կլինի, քանի որ այն համապատասխանում է սպառողների նախապատվություններին՝ պահանջներին, կարիքներին, հնարավորություններին…
Տոնավաճառի շնորհիվ աշակերտները հնարավորություն ունեցան իրենց գործարար ընկերության արտադրանքը ներկայացնել սպառողներին: Մեր արտադրանքն արժանացավ սպառողների ուշադրությանն ու հիացմունքին:
Մեր գնորդներից էր նաև
ՀՀ ԿԳՆ Արմեն Աշոտյանը:
Ծրագիրը մեր դպրոցում համարում եմ իրականացված, քանի որ ծրագրի բուն նպատակն է խթանել աշակերտների նորարարական մտածելակերպը, իսկ դա կարծես թե ստացվել է, քանի որ այնտեղ << ԳՐԵՆԱԿԱՆ ԳՈՐԳ>> ԱԳԸ ճանաչվեց լավագույն նորարարական ընկերություն:
No comments:
Post a Comment