Բաց դաս ֆիզիկայից՝ Արքիմեդի օրենքը

   Դասի նպատակն էր տեղեկատվական հաղորդակցական տեխնոլոգիաների միջոցով նպաստել  Արքիմեդի օրենքը լավ  հասկանալուն, որին կնպաստի նաև վիրտուալ փորձերի կատարումները, որոնք կբերեն թեմայի արագ յուրացմանը:

Մեթոդը՝ խնդիրների վրա հիմնված ուսուցում, հետազոտական գործունեություն:

Աշխատանքի ձևը՝ անհատական, խմբային, ամբողջ դասարանով:

Խթանման փուլում ներկայացվեց Արքիմեդը որպես մաթեմատիկոս, ֆիզիկոս, ճարտարագետ և մեխանիկ.

·         Ինչպիսի բացահայտումների հեղինակ է:

·     <<Տվեք ինձ հենման կետ, և ես կտեղաշարժեմ Երկիրը>>- ինչի հիման վրա է ասված:

· Հիերոնի թագի պատմությունը և Հիդրոստատիկայի հիմնական օրենքի հայտնաբերումը:

·         <<Արքիմեդի պարուրակ>>-ի նշանակությունը, կառուցվածքը և ցուցադրումը:

·   Սիրակուզա քաղաքի պաշտպանությունը Արքիմեդի տարօրինակ և հանճարեղ հնարքներով:

·          Արքիմեդի <<Հայելային գրոհի>> սխեման:

Իմաստի ընկալման փուլում կատարվեց դիտումներ և սովորողները առաջադրեցին վարկածներ՝ թե ինչու են մարմինները լողում հեղուկի մակերևույթին կամ սուզվում հեղուկում:

Կատարվեց վիրտուալ  ցուցադրություններ.

Փորձ 1 – Արքիմեդյան ուժի կախվածությունը հեղուկում իջեցված մարմնի ծավալից

Փորձ 2 - Արքիմեդյան ուժը  կախված չէ մարմնի խտությունից

Փորձ 3 - Արքիմեդյան ուժը  կախված չէ մարմնից վերև գտնվող հեղուկի սյան բարձրությունից

Փորձ 4 - Արքիմեդյան ուժի կախվածությունը հեղուկի խտությունից

Փորձ 5 – Ինչպես է կախված արքիմեդյան ուժը մարմնի արտամղած ջրի քանակի հետ

Եզրակացությունները կատարեցին աշակերտները փորձերի  արդյունքների հիման վրա:

Այնուհետև  Արքիմեդի օրենքը ապացուցեցին տեսականորեն  և փորձնականորեն:

Դասի պլանը նախատեսված էր երկու դասաժամի համար: Հաջորդ ժամին մարմնի վարքը հեղուկում և մարմնի լողալու պայմանները  ուսումնասիրելուց հետո   կանդրադառնան  սովորողների ձեռք բերած գիտելիքները ստուգելուն: Ընդհանրացնելով պատասխանները կստանան <<Արքիմեդի ծաղիկը>: Ստուգումը կշարունակվի  խմբային  և անհատական աշխատանքով, որոնք կգնահատվեն   <<Գնահատման անիվի>> միջոցով:

Ֆիզիկայի ուսուցչուհի Հասմիկ Մնացականյան