Այսօր
իմ սաները հրաժեշտ տվեցին իրենց դպրոցական մանկությանը և որպես վերջին քննություն բերել էին բոլորին այն հրաշալիքներից, որ ամբարել
են իրենց հոգում և մտքում
ուսումնառության 4 տարիների ընթացքում։ Հենց այդ հրաշք լեզվով էլ խոսեցին իրենց
դպրոցական 4 տարիների մասին։ Մեր աշակերտները 1-ին դասարան մուտք են գործել ճամփորդությամբ՝ դեպի այբուբենի աշխարհ, դեպի մաթեմատիկական
գիտելիքների մոլորակ՝ հեքիաթի ուղեկցությամբ։ Եվ մեր ավարտական հանդեսն էլ ուղեկցվեց
դարձյալ հեքիաթներով…
Իսկապես
օրը բարի էր, քանզի այսօր կերտվեց 4 տարեկան մեր պատմության ամենապանծալի, ամենագեղեցիկ
օրը։ Գեղեցկությունը բուրմունք է, և մենք վայելեցինք դրա թովչանքը։
Երեխաները
փոքր բեմադրությամբ ներկայացրին մարդկային մի քանի որակներ՝ մատիտի միջոցով։ Նրանք
խոսեցին Մաշտոցի, Ուսուցչի, Հայրենիքի, Արևի մասին։ Երդվեցին լինել ազգի համար պիտանի
մարդ:
Դասվար՝ Դոնարա Մաթևոսյան
Ցերեկույթի
վերջում աշակերտները անակնկալ էին պատրաստել։ Իրենց 4 տարիների ուսումնադաստիարակչական
աշխատանքի համար յուրաքանչյուրն իր շնորհակալական խոսքն է ուղղել ուսուցչուհուն։
No comments:
Post a Comment